Eta baita Elkano bezalako marinelena, eta munduari lehenengoz bira eman zioten beste anonimo askorena. Getaria jaia da; Salbatore elizako kanpaien doinuak, txikiak baina urrunera iristen direnak. Getaria itsasoa da, arrantza, portura sartzen diren itsasontziak, sirenak eta bizitza deskargak, bizitzen jarraitzea ahalbidetzen digutenak. Getaria zapore bizia da, kalitatezko gastronomia; lurrak eta itsasoak ematen diguten onena beren eskuekin lantzen duten ekoizle txikien herria. Getaria parrilaren artea da, kaleko aroma erakargarria. Getaria joskintza da; portuko saregileen eta Balentziagaren pareko jostun handien puntadak. Getaria zerumugari begiratzean sentitzen duzun lasaitasuna da, hondartzako iluntze gorriak eta Kantauriren itsasertzean jolasean diharduten haurren algarak. Getaria dibertsioa da, musika notak eta kresalak bustitako mahastiei darien txakolinaren dantza.
Getaria olatua da, handia Kantauri haserre dagoenean eta txikia lasaitzen denean. Getaria motor txikien ilunabarreko argia da; txibitan dabiltzan pazientzia handiko piraten goiz-izarra.
Getaria abentura da. Horixe da Getaria, abentura autentikoa.